இந்தியாவின் கிராமப் புறத்திலுள்ள ஒரு ரயில் நிலையத்தில், தாகமுடன் இருந்த ஒரு பிரயாணி,அவருக்கு , தோல் பையிலிருந்து அளிக்கப் படும் குடி நீர் சுத்தமானதா எனக் கேட்டார். அவருக்குக் கிடைத்த பதில் என்ன என்றால், '' சுத்தத்தைப் பொறுத்து வரை, நான் சொல்லக் கூடியது எல்லாம், தண்ணீர் உள்ள இந்தப் பை, இந்தத் தண்ணீரை உட்கொள்ளும் பையை விடச் சுத்தமானது '' என்பதே. இந்த வார்த்தைகள், ஒரு முக்கியமான பாடத்தை அறிவுறுத்துகின்றன. நீங்கள் உங்களது வெளிப்புற உடலை விட, மனம் மற்றும் புத்தியின் அகத் தூய்மையில் அதிகம் கவனம் செலுத்த வேண்டும்.பிறரை விமரிசனம் செய்வது மற்றும் பிறரது செயல்களில் குறை காண்பது போன்றவற்றிற்குப் பதிலாக உங்களையே நீங்கள் ஜாக்கிரதையாக கண்காணித்துக் கொள்ள வேண்டும். உங்களது நோக்கங்களையும், செயல்களையும் ஆழ்ந்து அறிந்து, உங்களது சொந்தக் குறைகளைத் திருத்திக் கொள்வதில் நேரத்தை பயன்படுத்துங்கள்.தவறான தனது ஜதிகளுக்கு, வாத்தியக்காரரைக் குறை கூறும் நாட்டியக்காரியைப் போல இருக்காதீர்கள்.