இந்த உலகனைத்தும் குழப்பமடைந்து,அதிருப்தி,கவலை மற்றும் அச்சத்தால் நிரம்பி உள்ளது; அற்பமான பிரிவினைகள் மற்றும் வெறுப்பால் நிரம்பி வழிகிறது. அதை சீர்படுத்தி, அமைதியாக்குவதற்கு, உங்களுக்கு தைரியமும்,உற்சாகமும் தேவை. தோல்வி மற்றும் ஏமாற்றத்தை எதிர் கொள்ளும்போது, நீங்கள் பலஹீனத்திற்கோ அல்லது மனச்சோர்வுக்கோ இடம் அளிக்கக் கூடாது. ஒருபோதும் உங்களை, நீங்களே தாழ்ந்தவர்கள் அல்லது பயனற்றவர்கள் எனக் கண்டனம் செய்யக் கூடாது.நீங்கள் பூஜ்யங்கள் அல்ல, பூஜிக்கத் தக்கவர்களாக ஆக வேண்டும் !இரும்பு போன்ற தசைகளும், எஃகு போன்ற நரம்புகளும் கொண்டவர்களாக இருக்க வேண்டும். பின்னர் உங்களது ஸங்கல்பமே தேவையான மனத்திண்மையை உண்டாக்கி, உங்களை, எதிரிகளை வெற்றி கொள்ளச் செய்யும்.வாழ்க்கை என்ற பயிருக்கு, தைரியமும், மனோதிடமும் சிறந்த பூச்சிக் கொல்லி மற்றும் உரம் போன்றவை. ஆன்மீகக் களத்தில், சிங்கங்களாக, புலன்கள் என்ற காட்டை ஆண்டு, வெற்றியில் முழு நம்பிக்கை கொண்டு, அச்சமின்றி உலாவுங்கள்.