ஸப்தாகத்தின் கடைசி நாள் ஸமாப்தி எனப் படுகிறது. பலரது எண்ணத்தில் இந்த வார்த்தையின் அர்த்தம் கடைசி விழா என்பதாகும்; ஆனால் இதற்கு மிகுந்த ஆழ்ந்த அர்த்தம் கூட உள்ளது.ஸமாப்தி என்றால் ஸமம் ( பரப்ரம்மன் ) கிடைப்பது (ஆப்தி) எனப் பொருள். உபந்நியாசங்களில் உள்ள முக்கியமான ஆன்மீக உண்மைகள் மற்றும் பாடங்களைக் கேட்பது ( ஸ்ரவணம் ), அவற்றைப் பற்றிச் சிந்திப்பது ( மனனம் ), அவற்றை தினசரி வாழ்வில் பின்பற்றுவது ( நிதித்யாஸனம் ) ஆகியவற்றின் இறுதிப் பலன் அதுவே. உலகியல் வழக்கத்தில் இது ஒரு கால கட்டம் முடிந்ததைக் குறிக்கிறது. ஆன்மீகத்தில் இது காலத்திற்கும் அப்பாற்பட்டுச் செல்வதைக் குறிக்கிறது !அனைத்து ஆன்மீக உபன்யாசங்களும் உங்களுக்குத் தர விரும்பும் பாடம்,நீங்கள் நிலையான சாந்தி, சந்தோஷங்களை நாடுபவர்களாக இருந்தால்,புலனின்பங்களைத் தேடுவதை விட்டு விட வேண்டும் என்பது தான்.உலகியலான செல்வம் தன்னுடன் சந்தோஷத்தைக் கொண்டு வருவதோடு அல்லது துன்பத்தையும் கொண்டு வருகிறது.செல்வத்¨தைக் குவிப்பதும், ஆசைகளைப் பன்மடங்கு ஆக்குவதும், சுக, துக்கங்கள் மாறி மாறி வருமாறு செய்வதற்கே இட்டுச் செல்லும்.பற்றுதலே சுகம் மற்றும் துக்கத்திற்கு அடிப்படைக் காரணம். பற்றின்மையே நம்மைக் காக்க வல்லது.