இந்த நிலத்திலும்,வானிலும், உங்கள் கண் முன் பரந்து விரிந்துள்ள இயற்கையை தியானிப்பதில் உங்கள் நேரத்தை செலவிடுங்கள்.பசுமையான வயல் வெளிகள், திருப்தியும்,ஆனந்தமும் அளிக்கும் குளிர்ந்த தென்றல், வண்ண மயமான மேக ஜாலங்கள், பறவைகளின் இனிய கீதங்கள் போன்றவை. வயல் வரப்புகளிலும்,நதிக் கரைகளிலும் நீங்கள் நடந்து செல்லும் போது, இறைவனது புகழைப் பாடிக் கொண்டே செல்லுங்கள். வீணாண தற்பெருமைகளால்,காற்றை மாசு படுத்தாதீர்கள். இறைவன் இவ்வளவு வியக்கத் தக்க அன்பின் சின்னங்களைப் படைத்திருக்கும் போது, உங்களது நேரத்தை வெறுப்பு நிறைந்த பேச்சுக்களில் வீணடிக்காதீர்கள்! இந்த சாந்தமான சூழ்நிலையில் வாழ்ந்து கொண்டு இருக்கும் போது, நீங்கள் உங்களது கூக்குரல் மற்றும் சாபங்களால், ஆகாயத்தின் அமைதியைக் குலைக்கக் கூடாது.எந்த விதையும் வளர்ந்து, வளமான அறுவடை தருவதற்கு உரமும்,நீரும் தேவை.அதைப் போலவே, பந்த விமோசனத்திற்கான ஏக்கம் என்ற ஆன்மீக நாற்று வளருவதற்கும் உரமும், நீரும் தேவை.புத்திசாலியான விவசாயி எவ்வாறு தனது பயிரை கனிவுடன் பேணிக் காப்பானோ, அவ்வாறே,மோக்ஷம் எனும் அறுவடையைப் பெற, உங்களது பழக்க வழக்கங்களை நீங்கள் பேணிக் காக்க வேண்டும்.