ஆத்மா தனக்கே சொந்தமான தெய்வீக ஒளியுடன் பிரகாசிக்கும் போது மோக்ஷம் கிட்டுகிறது. மோக்ஷம் என்பது ஒரு நாடோ அல்லது மேட்டுக் குடியினர் பெறக்கூடிய நல்ல இடங்கள் கொண்ட சொர்க்கத்தின் ஒரு பகுதியோ அல்ல. மாயையை விட்டொழித்து விட்ட ஒருவரின் நிலையே மோக்ஷம். மாயையை விட்டொழியுங்கள்,துக்கம் அழிக்கப் பட்டு,இன்பம் நிலைநாட்டப் படும்.துக்க நிவர்த்தியும் ( விடுதலை ),ஆனந்த ப்ராப்தியும் ( கிட்டுவது), ஒரே சமயத்தில் நிகழ்கின்றன. உங்கள் மனமே எதிரி ,அதன் மறு பெயரே ஆசை !ஒரு துணியிலிருந்து அனைத்து நூலிழைகளையும் பிடுங்கி எடுத்து விட்டால், துணியே இருப்பதில்லை. அதைப் போலவே, உங்கள் மனதிலிருந்து அனைத்து ஆசைகளையும் நீக்கி விடுங்கள் ; மனம் மறைந்து விடும், நீங்கள் மோக்ஷம் அடைவீர்கள் !துன்பமும், இன்பமும்,ஒரே அனுபவத்தின் இரண்டு பக்கங்களே.துன்பத்தின் முடிவில் இன்பம், இன்பத்தில் முடிவில் துன்பம். கண் பார்வையற்ற ஒருவரை விருந்திற்கு அழைக்கும் போது, எவ்வாறு நீங்கள் இருவருக்காக ( விருந்தினர் மற்றும் அவரது துணைவர்) உணவு மேஜையை ஏற்பாடு செய்ய வேண்டுமோ, அதைப் போலவே, துன்பமும் இன்பமும் இணை பிரியாதவை.