மற்றவர்களைச் சந்தோஷப்படுத்துவதற்காக தனது சொந்த சௌகரியங்களைக் கைவிட்டு,தியாக உணர்வுடன் செய்யப்படும் கடும் உழைப்பே இன்றைய உலகின் தேவை.ஒவ்வொரு ஜீவராசிக்குள்ளும் சத்தியம்,சிவம், சுந்தரம் புதைந்துள்ளது.அந்த மறைந்து உறையும் தெய்வீகத்தை எவ்வாறு வெளிக் கொண்டு வருவது என்பதைக் கற்றுக் கொள்ள அவைகள் நேரம் ஒதுக்குவதில்லை அவ்வளவுதான்.எனவே, மனிதர்கள் தங்கள் தோள்களில், ஒரு கம்பின் இருபுறமும் கட்டித் தொங்கவிடப் பட்டுள்ள, சுகம், துக்கம் என்ற இரண்டு சுமைகளை, சுமந்து கொண்டு இருக்கிறார்கள்.உடல் மற்றும் மனம் என்ற இரண்டின் வலுவைப் பெறுவதற்கான ஊட்ட மருந்து தைரியமே. சந்தேகம், தயக்கம் மற்றும் அச்சத்தை விட்டு ஒழியுங்கள். இவை உங்கள் மனதில் வேறூன்ற எந்த வாய்ப்பையும் அளிக்காதீர்கள்.உங்களுக்கு விருப்பமான இறைநாமத்தை உங்கள் நாவில் அசை போட்டீர்களானால், அச்சத்தையும், சந்தேகத்தையும் விடுவதற்கு உங்களுக்கு உதவியாக இருக்கும். உங்களுள் உள்ள தெய்வீக சக்தியின் மூலம் நீங்கள் எதையும் அடையலாம். கண்டிப்பாக, நீங்களே இறைவனாகலாம் !இறை நாமத்தை உங்கள் நாவிலும், மனத்திலும் எப்போதும் வைத்திருங்கள்; அது அச்சத்தையும், சந்தேகத்தையும் விடுவதற்கு உங்களுக்கு உதவி புரியும்.