இன்று நீங்கள் இறைவனின் அவசியம் இல்லை என நினைக்கலாம்,ஆனால் பசி வயிறைக் கிள்ளும் போதுதான், நீங்கள் உணவுக்காகத் தவிப்பீர்கள். எனவே, உங்களது இதயத்தை ஆனந்தக் கண்ணீரால் கழுவுங்கள், அதனால் இறைவன் தன்னை அதில் குடி கொள்ளச் செய்யக் கூடும்.ஒரு ஜமீன்தாருக்கு கண்ணுக்கு எட்டிய தூரம் வரை நான்கு திசைகளிலும் நிலங்கள் இருந்தாலும், சுத்தமாக இருக்கும் ஒரு இடத்தைத் தான், அவர் உட்காந்து கொள்ளத் தேர்ந்து எடுப்பார் ! அதைப் போலவே, இறைவன் ஒரு பக்தனது இதயத்தைத் தேர்ந்து எடுப்பதால் மற்ற இதயங்கள் எல்லாம் அவனுடையது அல்ல என்று பொருள் அல்ல. அவை போதிய அளவு சுத்தமாக இல்லை என்று தான் அர்த்தம். அவன் எங்கும் இருக்கிறான்,அனைத்தும் அவனுடையதே,அவன் பார்வை அனைவர் மீதும் உள்ளது.இவை அனைத்தும் இறைவன் இல்லை என்றால், அவை எவ்வாறு பிரகாசிக்க முடியும் அல்லது இப்போது இருக்கும் அளவு கூட அவை இருக்க முடியுமா? எனவே, இறைவனிடமும், உங்களிடமும் முழு நம்பிக்கை வைத்து, எப்போதும் நற்காரியங்கள் மற்றும் நன்மை பயக்கும் செயல்களில் ஈடுபடுங்கள்; எப்போதும் உண்மையே பேசி, சொல்லாலோ, செயலாலோ, ஏன் எண்ணத்தால் கூட வேதனையை உண்டாக்காதீர்கள். அதுவே, சாந்தி கிடைப்பதற்கான வழி; அதுவே நீங்கள் வாழ்க்கையில் பெறக்கூடிய மிகச் சிறந்த புண்ணியம்.