அனைவரிடத்திலும் ப்ரேமையை வளர்த்துக் கொள்ளுங்கள்; அது பொறாமை, கோபம் மற்றும் வெறுப்பை அழிக்கும்.கடவுளும், காமமும் ( ராமா- காமா) ஒரே இதயத்தில் ஒன்றாக இருக்க முடியாது.நம்பிக்கை, நம்பிக்கையைத் தரும் ; அன்பு அன்பைத் தரும். நீங்கள் மற்றவருடன் மிகுந்த அன்புடன் பேசினால், அவர்களால், உங்கள் மீது வெறுப்பை வளர்த்துக் கொள்ள முடியாது.அன்பு உலகனைத்தையும், ஒரே சொந்தமாக ஆக்குகிறது. அது ஒற்றுமைக்கான மிகச் சிறந்த கருவி.உழவன் நாற்றுக்களை நட்டு, அவற்றை மிகுந்த கவனத்துடன் பராமரிக்கிறான். அவன் களைகளைக் களைந்து, பூச்சிகளை அழித்து, தேவையான சமயங்களில் நீர் பாய்ச்சி, உரமிடுகிறான்;அறுவடை செய்து , தனது களஞ்சியத்தை , நிரப்பும் நாளை எதிர் நோக்கிக் காத்திருக்கிறான். அதைப் போலவே, நீங்களும் அன்பைப் பேணி, வெறுப்பு மற்றும் பொறாமை என்ற களைகளை உங்களுக்குள் இருந்து பிடுங்கி எடுக்க வேண்டும். அன்பு எனும் கண்ணாடியை அணிந்து கொள்ளுங்கள்; ஒவ்வொருவரும் அன்பானவர்களாகவும், நல்லவர்களாகவும் தென்படுவார்கள்.நீங்கள் தேடுவது உங்களுக்குக் கிடைக்கும்; உங்கள் கண்கள் நாடுவதைக் காண்பீர்கள். புனிதமான திருஷ்டியை வளர்த்துக் கொள்ளுங்கள்; பின்னர் எங்கும் நீங்கள் புனிதத்துவத்தையே காண்பீர்கள்.