சினிமாக் கொட்டகைகளில்,திருமண மண்டபங்களில்,கண்காட்சிகளில் உள்ள அல்லது ஒரு விளையாட்டைப் பார்த்துக் கொண்டு இருக்கும், மக்களின் மனப்பாங்கும், நடத்தையும், ஆன்மீக ஸத்ஸங்கங்களை விட மிகவும் மாறுபட்டதாகத் தான் இருக்கும் !கேளிக்கைகளின் போது உள்ள மனப்பாங்கு வேறு மாதிரியாக இருக்கும் , ஏனெனில் அங்கு உள்ள கூட்டத்தினர் முற்றிலும் மாறுபட்ட உணர்ச்சிகளால் உந்தப் படுகின்றனர்.ஆனால்,ஆத்மாவின் தேவைகளுக்கான ஸத்ஸங்கத்தில்,அமைதியும், பயபக்தி மற்றும் ஆர்வமான கவனமும், வழிபாடு நிரம்பிய நிசப்தமும் இருக்க வேண்டும்.ஆழ்ந்த ஆன்மீகக் கோட்பாடுகளை விவாதிக்கும் அனைத்து ஸத்ஸங்கங்களிலும் நிசப்தம் மிகவும் தேவை. கண்ணும்,காதும் மட்டுமே வேலை செய்ய வேண்டுமே அன்றி ,அங்கு அரட்டைக்கு இடமே கிடையாது.ஒவ்வொருவரும் பின்னர், அன்பு மற்றும் அருள் எனும் பரிசை முழுமையாகப் பெற முடியும். உங்களது உணர்வுகள், உந்துதல்கள் மற்றும் முற்பிறவியின் வாஸனாக்கள் ஆகியவற்றை பதப்படுத்தி, ஒழுக்கம் மற்றும் ஆன்மீக நிலையில் மேலும் மேலும் உயர்வதற்கான, உங்களுக்குக் கிடைத்த இந்த அரிய வாய்ப்பான, மனித வாழ்க்கையை முழுமையாகப் பயன்படுத்திக் கொள்ளுங்கள்.