நீங்கள் ஒரு டாக்டரிடம் சென்றால், அவர் தரும் மருந்துகளை உட்கொள்ள வேண்டும் மேலும் அவரது ஆலோசனைகளையும் ,அறிவுரைகளையும் பின்பற்ற வேண்டும்.அவ்வாறு செய்யாமல்,அவரைக் குறை கூறுவதில் பயன் இல்லை.அவர் தரும் மருந்துகளை நீங்கள் எடுத்துக் கொள்ளவில்லை அல்லது அவர் கூறிய உணவுக் கட்டுப்பாடுகள் மற்றும் அறிவுரைகள் நீங்கள் பின்பற்றவில்லை என்றால்,ஒரு டாக்டர் உங்களை எவ்வாறு குணப்படுத்த முடியும்? அதைப் போலவே, எனது அறிவுரைகளைப் பின்பற்றுங்கள்; பின்னர் பலன்களைப் பாருங்கள்.மேலும் நடந்த விபத்துக்களையும், ஒரு முறை இழைத்த தவறுகளையும் நினைத்து வருந்தி, பட்டினி மற்றும் பிற வழிகளில் உடலை வருத்திக் கொள்வது முட்டாள் தனத்தின் அறிகுறியாகும் என்பதை நினைவில் கொள்ளுங்கள். மனதைத் திருத்துவதற்காக உடலை வருத்திக் கொள்வதால் என்ன பயன்? உங்களது பிழைகளை கண்டிப்புடன் நீங்கள் கையாளும் அதே சமயம் பிறரது பிழைகளையும் மன்னிக்க வேண்டும். அவர்களது குறிக்கோள்களை தவறாகப் புரிந்து கொண்டு, அவர்களைப் பழிக்காதீர்கள்; ஒருவேளை அவர்களது குறிக்கோள் உங்களுடையதைப் போன்றே சீரானதாக இருக்கலாம் அல்லது அவர்களது செயல் தீ£ய நோக்கம் கொண்டதாக இல்லாது,அறியாமையினால் ஆற்றப் பட்டதாக இருக்கலாம்.