நீங்கள் அனைவரும் முன்பே ஆன்மீக சாதகர்கள் தான் அல்லது விரைவில் அவ்வாறு ஆகத் தான் போகிறீர்கள் ! மோக்ஷத்தை நுண்ணிய வழிகளில் தான் பெற முடியும் என்று கூறுவார்கள். உங்களுக்கான சில முக்கிய வழிமுறைகள்; மற்றவர்கள் உங்களை எவ்வாறு நடத்த வேண்டும் என நீங்கள் விரும்புகிறீர்களோ, அவ்வாறே நீங்கள் மற்றவரை நடத்துங்கள். கடந்த காலத்தை நினைத்து ஒரு போதும் கலங்காதீர்கள். துக்கம் உங்களை ஆட்கொள்ளும் போது, கடந்த காலத்தில் நடந்த அப்படிப்பட்ட சம்பவங்களை நினைத்து உங்களது துக்கத்தை அதிகமாக்கிக் கொள்ளாதீர்கள். மாறாக, சந்தோஷமாக நீங்கள் இருந்த சம்பவங்களை நினைவு கூறுங்கள். அவற்றிலிருந்து ஆறுதலையும்,ஆற்றலையும் பெறுங்கள்.பொங்கி வரும் துக்க அலைகளிலிருந்து மேல் எழுங்கள். பெண்கள் , ஆண்களை விட எளிதில், கோபத்திற்கும் , துக்கத்திற்கும் ஆளாகி விடுவதால் அவர்களை '' பலஹீனமானவர்கள் '' என்கிறார்கள்: எனவே, அவர்கள் இவற்றை கையாளுவதில் அதிக கவனம் மேற்கொள்ளுமாறு கேட்டுக் கொள்கிறேன். நாமஸ்மரணையே இதற்கு சரியான மருந்தாகும்: நீங்கள் அதை மேற்கொண்டால், இறைவன் உங்களைக் காத்து, அனைத்தும் அவனது ஸங்கல்பமே என்ற நம்பிக்கையை ஊட்டி, குதூகலிக்கவோ, குன்றிப்போகவோ தேவை இல்லை எனப் போதித்திடுவான்.