குருவைத் தேர்ந்தெடுப்பதில் உங்களது பகுத்தறிவைப் பயன்படுத்துங்கள். அனைத்து மேகங்களும் மழை பொழிவதில்லை. ஒரு உண்மையான குரு, அவரது தனித்தன்மையாலேயே, வெகு தொலைவிலிருந்தும்,அவரை நாடுபவர்களை ஈர்க்க வல்லவராக இருப்பார். புகழாரங்கள் அவருக்குத் தேவை இல்லை. அவரது இருக்கை எங்கும் உணரப்படும் மேலும் முழுதும் மலர்ந்த தாமரையை நாடி வரும் தேனீக்களைப் போல,பக்தர்கள் அவரை நோக்கி விரைந்தோடி வருவார்கள். ஆன்மீகப் பாதையை முழு உற்சாகத்துடன் மேற் கொள்ளுங்கள். அரை மனதான, நின்று நின்று முன்னேறும் முயற்சிகள் பலன் தர மாட்டா. அது சேறு படிந்த இடத்தை, மெதுவாகப் பாயும் நீரோட்டத்தால் கழுவ முயல்வது போலாகும். பாயும் நீரோட்டம் வேகம் குறைந்து இருக்குமானால், சேறைக் கழுவ முடியாது. நீரோட்டம் முழுவேகத்துடனும், தன் முன் உள்ள அனைத்தையும் தள்ளி விடும் அளவிலும் இருந்தால் தான் சேறை முழுமையாக நீக்க முடியும்.