உங்கள் காதுகள் கூர்மையாக இருந்தால்,ஒவ்வொரு ஓசையிலும், இறைவன் இருப்பதை அறிவிக்கும் ''ௐ '' எனும் ப்ரணவ மந்திரத்தை நீங்கள் கேட்க முடியும். கோவில்களில் இருக்கும் மணிகள் எங்கும் நீக்கமற நிறைந்திருக்கும் இறைவனது சின்னமான ப்ரணவத்தை அறிவிப்பதற்காகவே இருக்கின்றன. அந்த மணிகள் ஒலிக்கும் போது,உங்களுள் உள்ள தெய்வீகம் தட்டி எழுப்பட்டு, இறைவனது ஸன்னிதானத்தை நீங்கள் உணர்வீர்கள். ஜீவன், உடல் என்ற உடையை அணிந்து கொண்டு, ஒரு புனிதத் தலத்திற்கு வந்திருக்கும் யாத்திரீகன் போல வந்துள்ளது. புனித இடங்களை அடையாளம் காட்டி, அது தனது யாத்திரையைப் பூர்த்தி செய்ய, அதற்கு ஒரு வழிகாட்டி இருந்தே ஆக வேண்டும். அந்த வழிகாட்டி இறைவனே; வழிகாட்டிப் புத்தகங்களே வேதங்கள்,உபநிஷதங்கள் மற்றும் இதர புனித நூல்கள். அனைத்து சாஸ்திரங்களின் ஸாரமும் இந்த ஒரு விதியில் அடைக்கலம்; அதாவது இறைவனது ப்ரகாசத்தை மனதின் முன் எப்போதும் நிலை நிறுத்தி, அவனது நாமஸ்மரணை செய்வதே.