தாயை மதியுங்கள், அவளது கட்டளைகளுக்கு அடி பணியுங்கள். மனித வாழ்க்கையில் அவளுக்கு மிக உயர்ந்த ஸ்தானத்தை அளியுங்கள். கொடூரமான பிள்ளை இருக்கலாம், ஆனால் கொடிய தாய் இருப்பதில்லை. தாய்மார்களின் சீரிய உணர்வுகளின் காரணமாகத்தான், பிள்ளைகள் நற்குணங்கள், புத்தி ஆகியவற்றைப் பெற்று, உயர்ந்த பதவிகளை அடைந்து பெயரும் ,புகழும் ஈட்டுகிறார்கள். தாயானாவள் உங்களைப் பேணி, உணவூட்டி, உங்களது விருப்பு , வெறுப்புக்களை அறிந்து உங்களது தேவைகளைப் பூர்த்தி செய்கிறாள். எனவே, தாய்க்கு எப்போதும் நன்றி உள்ளவர்களாக இருங்கள். தாயானாவள், எப்போதும் தனது பிள்ளைகளை , தனது இறப்பிற்றுப் பிறகும் கூட, பல வழிகளில் காத்து, உதவி செய்கிறாள். ஒருபோதும் உங்களது தாயை அவமதிக்கவோ , அல்லது ஏமாற்றம் அடையச் செய்யவோ அல்லது அவளது உணர்வுகளை புண்படுத்தவோ செய்யாதீர்கள். எல்லா விதத்திலும் அவளைத் திருப்திப் படுத்த முயலுங்கள். பின்னரே, பக்தியின் விதைகள் உங்களுள் முளை விட ஆரம்பிக்கும். ஒவ்வொருவரும் '' மாத்ரு தேவோ பவ ''( தாயே இறைவன் ) என்ற கோட்பாட்டை முழுமையாகக் கடைப் பிடித்து ,அவர்களது தாய்மார்களின் அன்பின் ஆசிகளைப் பெறுதல் வேண்டும். பெண்களைக் கீழ்த்தரமாக எண்ணாதீர்கள். அவர்கள் இயற்கையின் வடிவங்கள், மேலும் உயர்ந்த நற்குணங்கள் கொண்டவர்கள். உங்கள் இதயங்களில் புனிதமான உணர்வுகளுடன் பெண்களை மதித்து, அவர்களால் மதிக்கத் தகுந்தவர்கள் ஆகுங்கள்.