நான் யாரையும் நாஸ்திகன் என்று அழைக்க மறுக்கிறேன். அனைத்து ஜீவராசிகளும் இறைவனது ஸங்கல்பத்தால், அவனது திட்டங்களின் படி தான் இருக்கின்றன; எவரும் அவனது கருணைக்கு அப்பாற்றப்பட்டவர் அல்ல. ஒவ்வொருவரும் எவர் மீதாவது அல்லது ஏதாவது ஒன்றின் மீது அன்பு கொண்டு தான் இருக்கிறார்கள்; அந்த அன்பே தெய்வீகத்தின் ஒரு கீற்றுத் தான். ஒவ்வொருவரும் தங்களது வாழ்க்கையை ஏதோ ஒரு சத்தியத்தின் அடிப்படையில் தான் கொண்டு இருக்கிறார்கள்; அந்த சத்தியமே இறைவன். எந்த ஒரு உயிரும் சத்தியத்தை முழுமையாக மீறி இருக்க இயலாது; ஒவ்வொருவரும் சத்தியத்தை மதித்தே ஆக வேண்டும்; தங்களது வாழ்க்கைக்கு ஒரு அர்த்தம் இருக்க வேண்டும் என்றால்,எவரிடமாவது சத்தியத்தைப் பேசியே ஆக வேண்டும். இப்போது,அந்தக் கணமே, இறைவனது நேரமாகும்; எப்போது ஒருவர் சத்தியத்தைப் பேசுகிறாரோ அல்லது அன்பு செலுத்துகிறாரோ அல்லது சேவை ஆற்றுகிறாரோ, அந்த மனிதர் ஆஸ்திகரே. இறை பக்தி உள்ள அனைவரும் தங்கள் வாழ்க்கையின் மூலம், பக்தி என்பது வலிமையானது,பலஹீனமல்ல; அது பரந்த வலிமையின் ஊற்றைத் திறக்கிறது; இறைவன் மீது நம்பிக்கை கொண்ட ஒருவர் , அத்தகைய நம்பிக்கை அற்ற ஒருவரை விட, அனைத்து தடைகளையும் எளிதாக வெல்ல முடியும் என்பதை நிரூபித்துக் காட்ட வேண்டும்.