எப்போது பஞ்ச பூதங்களாக, பரப்ரம்மம் உருவெடுக்கிறதோ, அப்போது அதன் மதிப்பு பாதிக்கப் படுகிறது என்று நினைக்காதீர்கள். ஒரு ரூபாயை, பத்து பைசா நாணயங்களாக மாற்றுவதால்,அதன் மதிப்பு குறைவதில்லை. அதைப் போலவே,இயற்கையை, ஒன்றே ஆன அந்த பரப்ரம்மத்தின் பலவித தோற்றங்களே,புலன்களின் பதிப்புக்கள் மற்றும் ஈர்ப்புக்களின் பல்வகைப்பாடு அல்ல, எனக் காணுங்கள். உங்கள் கண்கள் எங்கு திரும்பினாலும்,உங்கள் செவிகள் எதைக் கேட்டாலும்,உங்கள் விரல்கள் எதைத் தொட்டாலும், உங்கள் நாக்கு எதை ருசித்தாலும்,உங்கள் மூக்கு எதை நுகர்ந்தாலும் அனைத்தும் இறைத்தன்மையால் நிரம்பியவை எனக் கொள்ளுங்கள். வெறும்,ஓசை,சுவை போன்றவை உங்களது புலன்களை மயங்குமாறு செய்ய அனுமதிக்காதீர்கள். தெய்வீகத்தையே கண்டு, வரவேற்று,அப்படிப்பட்ட எண்ணங்களையும்,உணர்வுகளையும் மட்டுமே ஏற்று, பிறவற்றை ஒதுக்கி விடுங்கள். ஸ்ரீ துக்காராமை ஒரு முறை, எவ்வாறு மனிதர்கள் குரங்கு குணம் கொண்ட இந்த மனதை,புலன்களின் சுகங்களை நாடிச் செல்லாமல் கட்டுப் படுத்தி வைத்துக் கொள்வது எனக் கேட்டபோது, அவர், '' குரங்கு குணம் கொண்ட மனம் ஓடட்டும்; நீங்கள் உங்கள் உடலை உங்களுடன் வைத்துக் கொள்ளுங்கள், அதை மனதின் பின்னால் ஓட விடாதீர்கள் '' என அறிவுறுத்தினாராம். அவர் மேலும்,'' நான் உனக்கு வேலைக்காரனாக இருக்க இந்த உடலைத் தரமாட்டேன் என்று மனதிடம் கூறுங்கள்;. பின்னர் மனம் அடி பணியும், அதை வென்று விடலாம் '' என பரிந்துரைத்தாராம்.