ராவணன் தர்மத்தின் கோட்பாடுகளை முழுமையாக மீறி, செல்வத்தைப் பெறவும், ஆசைகளைப் பூர்த்தி செய்து கொள்ளவும் விழைந்தான். ராவணன் அறுபத்து நான்கு விதமான கலைகளையும் கற்றுத் தேர்ந்த ஒரு தலை சிறந்த பண்டிதன், அதே சமயம் ஸ்ரீ ராமர் கற்றுத் தேர்ந்ததோ முப்பத்து இரண்டு கலைகள் மட்டுமே. ஆனால், ஸ்ரீ ராமர் அவற்றைக் கடைப்பிடித்து, தான் கற்றதை ஜீரணித்துக் கொண்டார்; ராவணனோ அவற்றை ஜீரணித்துக் கொள்ளத் தவறி விட்டான். இந்த அஜீரணம் காமமாகத் தோன்றி இறுதியில் அவனையே அழித்து விட்டது. ஸ்ரீ ராமர் தர்மத்தின் உருவாக இருந்தார், ராவணனோ, காமத்தின் உருவமாக இருந்து விட்டான். இவ்வாறு, தர்மத்திற்கும், அதர்மத்திற்கும் இடையே ஒரு போராட்டம் ஏற்பட்டது. ஸ்ரீ ராமர், தர்மத்தின் கோட்பாடுகளைப் பின்பற்றி, சத்தியத்தின் உருவாக தன்னை மாற்றிக் கொண்டார். தர்மத்திற்கும், அதர்மத்திற்கும், சத்தியத்திற்கும், அசத்தியத்திற்கும் எப்போதும் நிகழும் இந்தப் போர், ஒவ்வொரு மனிதருள்ளும் இருந்து கொண்டே இருக்கிறது. சத்தியம் மற்றும் தர்மம் என்ற இந்த இரட்டைக் கோட்பாடுகளைப் பின்பற்றி, வாழ்க்கை எனும் விளையாட்டில் வெற்றி பெறுவது உங்களது தலையாய, கடமையாகும்.