ஸ்ரீ ராம தத்துவம் பல நுண்ணிய ரகசியங்களால் நிரம்பியது. ஸ்ரீராம கதை, நன்னெறிகள், ஆன்மீகம் மற்றும் உலகியலானவைகளிலும் கூட தலை சிறந்ததாகும். ஸ்ரீ ராமர் நான்கு முக்கியமான கொள்கைளான, சத்யம், தர்மம், ப்ரேமை மற்றும் சாந்தியின் திரு உருவமாவார். ஸ்ரீராம கதை ஒருவர் இவ்வுலகில் எவ்வாறு வாழ வேண்டும், குடும்பம் மற்றும் சமுதாயத்தில் எவ்வாறு நடந்து கொள்ள வேண்டும் என்பதை நமக்குப் புகட்டுகிறது. மேலும் அது, ஒருவர் எப்படி தனது தனித் தன்மையைத் தக்க வைத்துக் கொள்ள வேண்டும் என்பதையும், தனது ஆளுமையை எப்படி உருவாக்கிக் கொள்ள வேண்டும் என்பதையும் கற்பிக்கிறது. நாம், நமது ஆளுமையை வலிமையாக உருவாக்கிக் கொண்டால் தான், நாம் குடும்பத்திலும், சமுதாயத்திலும் சீரிய முறையில் நடந்து கொள்ள முடியும். ஸ்ரீராமர் தன்னுள் சமநிலை, ஒற்றுமை மற்றும் ஆனந்தத்தின் கோட்பாடுகளை உள்ளடக்கியவர். இந்த ஆனந்தத்தின் கோட்பாடு ஒவ்வொரு மனிதரிடமும் உள்ளுறைகிறது. உங்கள் ஒவ்வொருவருக்கும், உண்மையான ஸ்ரீராம தத்துவமான இந்த ஆனந்தக் கோட்பாடை உணர்ந்து, அனுபவிப்பதற்கான உரிமை உண்டு என்பதைப் புரிந்து கொண்டு, உள்ளார்ந்ததாக ஆக்கிக் கொள்ளுங்கள்.