உங்களது ஆத்மாவைப் பற்றி அறிந்து கொள்வது அவ்வளவு சுலபமல்ல. நீங்கள் சாப்பிடும் உணவையே எடுத்துக் கொள்ளுங்கள். உங்கள் வயிற்றில் இருக்கும் வரை, நீங்கள் அதை உணருகிறீர்கள். ஆனால், மனித உடல்கூறைப் பற்றி ஆழ்ந்து கற்கவில்லை என்றால், அதன் அடுத்த கட்டங்களில் என்ன ஆகிறது என்பதை நீங்கள் அறிவதில்லை. அப்படி இருக்கும்போது, உங்களைச் சுற்றிச் சூழ்ந்துள்ள கோசங்கள் எல்லாவற்றிற்கும் அப்பாற்பட்டு இருக்கும், உங்களது உண்மை நிலையை, எந்தவித முயற்சியும் இன்றி நீங்கள் எப்படி அறிந்து கொள்ள முடியும்? உங்களது புத்தியில் உள்ள அஹங்காரம் என்ற ஒட்டடைகளையும், ஆசைகள் என்ற தூசியினையும், பொறாமை மற்றும் பேராசை என்ற புகைக் கரியையும் நீங்கள் கண்டிப்பாக நீக்கி விட வேண்டும்; பின்னர் அது உள்ளார்ந்த சத்தியத்தை வெளிப்படுத்துவதற்குத் தகுதியான கருவியாக ஆகி விடும். வேதங்கள் நீங்கள் உங்களது ஆத்மாவை, அந்தர்யாமியை அறிந்து கொள்ளுங்கள் என அறிவுறுத்துகின்றன! ஏனெனில், அந்த ஞானம் உங்களிடம் இல்லை என்றால், ஆர்ப்பரிக்கும் கடலில் திசை காட்டும் கருவி இன்றி பயணிக்கும் கப்பலைப் போன்றவர்களே நீங்கள்.