மற்ற விஷயங்களைப் பற்றிப் படிக்கும் போதே, நீங்கள் சாந்தியின் இரகசியத்தையும் கற்றுக் கொள்ள வேண்டும்.இந்த ஞானம் உங்களைக் காப்பாற்றும் என்பதால், இந்த வாய்ப்பைத் தவற விட்டு விடக் கூடாது. சாந்தி இன்றி, வாழ்க்கை ஒரு அச்சுறுத்தும் கனவே. தற்போதைய கல்வி முறை உங்களை சம்பாதிப்பவர்களாகவும், குடிமகன்களாகவும் ஆக்குவதில் தான் குறியாக இருக்கிறது , ஆனால் அது உங்களுக்கு ஒரு சந்தோஷமான வாழ்க்கையின் இரகசியத்தைத் தருவதில்லை ; அதாவது, உங்களுக்குத் தேவையான உண்மையான பயிற்சியான, உண்மையற்றவை மற்றும் உண்மையானவை என்ற இரண்டில் உள்ள வித்தியாசத்தைப் பகுத்தறிந்து புரிந்து கொள்வதைத் தருவதில்லை.விவேகத்தை வளர்த்துக் கொள்வதே கல்வியின் பிரதான லட்சியமாகும் ;நற்குண பழக்கங்களை வளர்ப்பது மற்றும் தர்மத்தை வலுப்படுத்துவது என்பவையும் கவனிக்கப் பட வேண்டுமே அன்றி, லாவகமான நடத்தையைப் பெறுவதோ அல்லது பொதுவான செய்திகளைச் சேகரிப்பதோ அல்லது சாதாரணமான திறன்களைப் பயிலுவதோ அல்ல.