கௌரவர்களிடம், வெற்றிக்குத் தேவையான, செல்வம்,அதிகமான அஸ்திரங்கள், கூட்டாளிகள் மற்றும் எதிரிகளின் மீது தீவிரமான த்வேஷம் போன்ற அனைத்து உபகரணங்களும் இருந்தன. அவர்கள் தர்மத்தின் சீரிய பண்புகளுக்கு ஒருபோதும் செவி சாய்க்காததால், அவர்கள் அழிக்கப் பட்டார்கள். பணிவு மற்றும் சாந்தியின் பாதையில் நடப்பவர்களுக்காகவே அபரிமிதமாக ஒதுக்கப்பட்டுள்ள இறைவனது அருளை அவர்கள் பெற்றிருக்கவில்லை. தெய்வத்தை, தங்களது சாரதியாகவும் கூட அவர்கள் ஏற்றுக் கொள்ளவில்லை- அவர்கள் தங்களது நம்பிக்கையை தரம் குறைந்த பொருட்களில் வைத்தார்கள் ! வெற்றிக்கு உண்மையான தேவை வெறும் வளங்களைச் சேர்த்து வைத்துக் கொள்வதல்ல; ஆனால் இறை நம்பிக்கையும், நிலைகுலையாமையுமே. புயல் மரத்தின் தண்டை வலுவாக்க உதவுகிறது. அதைப் போலவே, அழிவுகள் உங்களது தைரியத்தை ஆழமாக்கி, உங்களது இறை நம்பிக்கையை விசாலமாக்கி, உங்களது ஆன்மிக சாதனைகளைத் தீவிரப் படுத்த வேண்டும். அமைதியான சூழ்நிலையில், கவலையற்ற மனப்பாங்கு மன்னிக்கத் தக்கதே. ஆனால், கொந்தளிப்பான சூழ்நிலையில், ஒவ்வொரு முன் எச்சரிக்கையும் மதிப்பு வாய்ந்ததாகும்.