உங்களுக்குள் சண்டை,சச்சரவு செய்வதால் எந்தப் பயனும் இல்லை. ஆராய்ந்து, அனுபவியுங்கள்; பின்னர் சத்தியத்தைப் புரிந்து கொள்வீர்கள். நீங்கள் முடிவு செய்யவில்லை அல்லது நீங்கள் இன்னும் ஆய்வு செய்து கொண்டு இருக்கிறீர்கள் என்றால்,மௌனமாக இருங்கள்.நீங்கள் நம்பும் வரை பிறருக்கு அறிவிக்காதீர்கள். கண்டிப்பாக, மர்மமானவற்றை சீர்தூக்கிப் பார்க்கும் முன் உங்களுள் உள்ள தீயவற்றை விட்டு ஒழிக்க வேண்டும். நம்பிக்கை உதயமாகும் போது, அதை ஒழுக்கம் மற்றும் சுயக் கட்டுப்பாடு என்ற வேலியிட்டுக் காக்க வேண்டும். எவ்வாறு இளஞ்செடி, ஆடு, மாடுகளிலிருந்து வேலியால் காக்கப் படுகிறதோ,அவ்வாறே நீங்களும் குறை கூறுபவர்கள் மற்றும் நம்பாதவர்களின் பலவிதமான கூட்டத்திலிருந்து விலகி இருக்க வேண்டும்.உங்களது நம்பிக்கை பெரிய ஆல மரமாக வளர்ந்த பின், அது சிறு செடியாக இருந்த போது,அதைத் தின்ன விழைந்த ஆடு மாடுகளே, பல கிளைகள் மற்றும் இலைகளாக வளர்ந்துள்ள அதன் நிழலில் இப்போது வந்து படுத்து உறங்கும்.