உயர்ந்த சாஸ்திரங்களும்,ஆன்றோர்களும் உதாசீனப் படுத்துப் படுவதற்கான பொறுப்பு, பண ஆதாயங்களை அளிக்காத கல்வி மீது வெறுப்பை வளர்க்கும் கல்வி முறையையே சாரும். மற்றொரு காரணம் வாழ்வில் நல்லொழுக்க நெறிகளின் தரம் தாழ்ந்து போனதாகும். அனைவரும் எளிய அசட்டுத் தனத்தின் பாதையில் சறுக்கி விழுந்து கொண்டு இருக்கும் போது, அதற்கு எதிராக ஆலோசனை அளிப்பவர்கள் மற்றும் நிகழப் போகும் பேரழிவைப் பற்றி எச்சரிக்கை செய்பவர்கள், உதாசீனப் படுத்தப் பட்டு எள்ளி நகையாடப் படுகின்றனர். புலனின்பங்களின் தேடுதல்கள் மற்றும் மலிவான கேளிக்கைகளில் மூழ்கி, மனிதர்கள் பண்டைய ஆன்றோர்களின் புத்திமதிகள் மற்றும் மிக உயர்ந்தவற்றின் அறைகூவல்களுக்கு செவி சாய்ப்பதில்லை. சாஸ்திரங்கள் அதிக வாகனப் போக்குவரத்து உள்ள பாதைச் சந்திப்புகளில் இருக்கும் ௨டிராஃபிக் சிக்னல்கள் போன்றவை. இவை அகற்றப் பட்டு விட்டால், பயணம் தாமதம் மற்றும் கடினமானதாகவும் ஆகி, விபத்துக்கள் மற்றும் குழப்பங்கள் நிறைந்ததாகி விடும்.அவை அழிக்கப் படுவது நம்மால் தாங்கப் படக்கூடிய ஒன்று அல்ல. மனித குலத்தின் நலனுக்காக அவற்றை நாம் புனருத்தாரணம் செய்தே ஆக வேண்டும்.