நீங்கள் பணிவுடன் இருக்க வேண்டும்,அதே சமயம் சலனங்களைத் தடுப்பதில் வலுவுள்ளவர்களாக இருத்தல் வேண்டும். கோழைகளைப் போல புலன்களின் கபட நாடகங்களுக்குப் பணிந்து விடாதீர்கள். உங்களது நேரமனைத்தையும், நீங்கள் வாழ்க்கை நடத்துவதற்குத் தேவையான பணத்தைத் தரக்கூடிய விஷயங்கள் மற்றும் திறன்களைப் பெறுவதிலேயே செலவழிக்காதீர்கள். திருப்தி,சாந்தி,பொறுமை மற்றும் தைரியத்துடன் இருக்கும் கலையைப் பெறுவதற்காகவும், நேரம் பயன்படுத்தப் பட வேண்டும். மேலும் இந்த உலகம் மற்றும் உங்களைப் பற்றிய உண்மையைத் தெரிந்து கொள்வதற்கான தீவிர வேட்கையை வளர்த்துக் கொள்ளுங்கள். உங்கள் வார்த்தைகள் தேனினும் இனிமையாக இருக்க வேண்டும். உங்கள் இதயங்கள் வெண்ணெயைப் போன்று மிருதுவாக இருக்க வேண்டும். உங்களது மனப்பாங்கு குழப்பமின்றி, விளக்கினைப் போலத் தெளிவூட்டுவதாக இருக்க வேண்டும். பந்தயத்தைக் கண்காணித்து, அதற்கெனவே உள்ள விதிமுறைகளின் படி அதை சீர் தூக்கிப் பார்த்து, எந்த ஒரு அணியின் வெற்றி, தோல்விகளாலும் பாதிக்கப் படாமல் இருக்கும், கால்பந்தாட்ட நடுவர் போல இருங்கள்.