என்னை நம்புங்கள்,உங்களது இயல்பு சச்சிதானந்தமே . அதனால் தான் நீங்கள் இவ்வாறு நடந்து கொள்கிறீர்கள். நீங்கள் நிரந்தரமாக வாழ விரும்புகிறீர்கள்; வாழ்க்கையை அனுபவிக்கிறீர்கள், உங்களது இறப்பைப் பற்றிய எல்லாப் பேச்சையும் தவிர்க்கிறீர்கள். அதுவே நீங்கள் ''சத் ஸ்வரூபம் '' என்பதற்குப் போதுமான சான்று.பின்னர் மறுபடியும், நீங்கள் ஆச்சரியமும்,ஆர்வமும் கொண்டு உங்களைச் சுற்றியுள்ள உலகத்தைப் பற்றித் தெரிந்து கொள்ளும் ஒரு ஆசையும் கொண்டவர்களாக இருக்கிறீர்கள். நீங்கள் விடாது, என்ன,ஏன்,எப்படிமற்றும் எப்போது என அனைத்தைப் பற்றியும் கேட்டுக் கொண்டே இருக்கிறீர்கள். இது '' சித்தத்தின் '' தூண்டுதலே. இறுதியாக,நீங்கள் எப்போதும் ஆனந்தத்தையே நாடுகிறீர்கள்,துக்கத்தைத் தவிர்க்க முயல்கிறீர்கள். நீங்களே ஆனந்தம், அவ்வாறு செயல்படுவதே உங்களது இயல்பு. யாராவது, உங்களை, '' நீங்கள் எப்படி இருக்கிறீர்கள் '' என்று கேட்டால்,நீங்கள், '' நலமாக இருக்கிறேன், நன்றி'' எனப் பதில் அளிக்கிறீர்கள்.; அவர்கள் ஏன் நீங்கள் நலமாக இருக்கிறீர்கள் எனக் கேட்பதில்லை. நீங்கள் நோயுற்று இருக்கிறீர்கள் என்று சொன்னால் தான், கவலையுடன் நீங்கள் மேலும் விசாரிக்கப் படுகிறீர்கள்.'' நலமுடன் இருப்பது '' இயற்கை, '' நோயுற்று இருப்பது'' என்பது இயற்கைக்கு மாறானது.கவலை என்பது இயற்கைக்கு மாறாக இருப்பதனால் தான் தோன்றுகிறது. எனவே, சாராம்சத்தில் நீங்கள் ஆனந்த ஸ்வரூபர்களே.