நீங்கள் சைக்கிள் ஓட்டக் கற்றுக் கொள்ளும் போது,சமநிலைப் படுத்தும் திறன் உங்களுக்கு உடனே வருவதில்லை.அதை, பாதுகாப்பான ஒரு திறந்த வெளிக்குத் தள்ளிச் சென்று,தவ்விக் குதித்து,அவ்வப்போது ஒரு பக்கமும், பின்னர் மறு பக்கமும் சாய்த்து,சமநிலையைப் பெறுவதற்கு பல முயற்சி செய்கிறீர்கள். ஒரு முறை அந்தத் திறனைப் பெற்று விட்டால், நீங்கள் ஒரு போதும் சமநிலைப் படுத்துவதைப் பற்றி நினைப்பதோ,கவலைப் படுவதோ இல்லை.நீங்கள் தானாகவே தேவையான சரிப்படுத்துதல்களைச் செய்து விடுகிறீர்கள். இப்போது,உங்களால் குறுகிய வீதிகள் மற்றும் பாதைகளில், ஏன் ஜன நெருக்கம் உள்ள சந்துகளில் கூட ஓட்டமுடிகிறது - பெரிய,பாதுகாப்பான, திறந்த வெளி உங்களுக்கு இனிமேல் தேவைப் படுவதில்லை ! அதைப் போலவே, பயிற்சி மட்டுமே உங்களுக்கு ஆழ்ந்த மனக் குவிப்பை அளித்து, உங்களது மிகக் கடினமான நேரங்களில் கூடத் தாங்கி நிற்கும்.எனவே, பிரார்த்தனை அல்லது தியானத்தில் அதிக நேரம், உங்களால் மனக்குவிப்புடன் இருக்க முடியவில்லையே என அதைரியப் பட வேண்டாம்.இது வெறும் ஆரம்பமே !