நீங்கள் அனைவரும், கர்மக்ஷேத்ரம் என்ற நாட்டிலிருந்து, உங்களது குறிக்கோளான தர்மக்ஷேத்ரம் என்ற நாட்டை நோக்கிச் சென்று கொண்டு இருக்கும் தீர்த்த யாத்திரீகர்களே. உங்களுக்கு போதிக்கும் பண்டிதர்கள், கவிஞர்கள் மற்றும் ஆசாரியர்கள் அனைவரும் நீங்கள் இந்தப் பாதையில் செல்வதற்கு உதவும் வழிகாட்டிகள்;ஆனால், இந்தப் பாதையில் ஒவ்வொரு அங்குலத்தையும், நீங்கள் தான் நடந்து சென்றாக வேண்டும். ''கவிம் புராணாம் அனுஸாஸிதரம் ''- அதாவது,தர்மத்தின் கோட்பாடுகளை,மக்கள் முன் வைத்து, அவர்கள் பாதை தவறினால் எச்சரிக்கை செய்பவர்களையே சாஸ்திரங்கள் கவிஞர்கள் அல்லது பண்டிதர்கள் என பறைசாற்றுகின்றன. இப்படிப் பட்டவர்களும், சரியான பாதையை பிறருக்குத் தெளிவு படுத்தும் போது, தாங்களுமே வழி தவறி விடாமல் இருப்பதில் கவனமாக இருத்தல் வேண்டும். சீரிய நோக்குடன் அனைவருக்கும் பயன் தரும் விதத்தில் இறைவனை விவரிப்பவர்களே பண்டிதர்கள். அவர்கள் அர்த்தமற்ற பேச்சுக்கள் அல்லது , குறைந்த முக்கியத்துவம் கொண்ட தலைப்புக்களைப் பற்றி எழுதுதல் ஆகியவற்றில் பங்கு கொள்ளக் கூடாது.