மனதிற்கும்,இறைவனுக்கும் இடையே நீங்கள் நட்பை நிலை நாட்டும் நாளே சிவராத்திரி. அதே தெய்வீகம் தான் நீக்கமற எங்கும் நிறைந்துள்ளது , அதை ஒவ்வொரு இடத்திலும் காணலாம் என்ற உண்மையை ஒருவருக்கு, சிவராத்திரி உணர்த்துகிறது. பரமசிவன் திருக்கைலாயத்தில் வாசம் செய்கிறான் எனப் படுகிறது. ஆனால் திருக்கைலாயம் எங்கே இருக்கிறது? நமது சந்தோஷமும்,ஆனந்தமுமே திருக்கைலாயம். அதாவது இறைவன் சந்தோஷம்,ஆனந்தம்,களிப்பு என்ற திருக்கைலாயத்தில் வாசம் செய்கிறான் என்று பொருளாகும். நீங்கள் நமது மனதிலேயே ஆனந்தம்,மற்றும் களிப்பின் உணர்வை வளர்த்துக் கொண்டு விட்டால்,உங்கள் இதயமே பரமசிவன் வசிக்கும் திருக்கைலாயமாகவே ஆகிவிடும். இந்த ஆனந்தத்தை ஒருவர் பெறுவது எப்படி?நீங்கள் தூய்மை,நிலைகுலையாமை மற்றும் புனிதத்துவத்தை வளர்த்துக் கொள்ளும் போது, ஆனந்தம் உங்களிடமே வந்து தங்கி விடுகிறது. வருடம் ஒரு முறை மட்டும் சிவராத்திரியை அனுசரித்துப் பயனில்லை. ஒவ்வொரு நொடியும்,பகலும்,இரவும் நீங்கள் இறைவனை எண்ணி, உங்கள் காலத்தை புனிதப் படுத்திக் கொள்ள வேண்டும் ஏனெனில் , காலம் எனும் கோட்பாடே சிவன் தான்.