ஒரு முறை நான் சிலரை, அவர்கள் பகவானின் கைகளில் என்ன இருக்க வேண்டும் என்று விரும்புகிறார்கள் என்று கேட்டேன். சிலர் தாமரை என்றும், சிலர் சங்கு என்றும், மேலும் சிலர் சக்கிரம் என்றும் சொன்னார்களே அன்றி, ஒருவர் கூட புல்லாங்குழல் என்று சொல்லவில்லை. நீங்கள் புல்லாங்குழலாக ஆவதற்கு விரும்புங்கள் என நான் அறிவுறுத்துகிறேன், ஏனெனில் பின் இறைவனே வந்து உங்களைக் கையில் எடுத்துக் கொள்வான். முழுவதும் அஹங்காரமற்றதாக ஆக்கி உங்கள் இதயங்களை வெற்றிடமாக்குவதை சாதியுங்கள். அவன் ( இறைவன் ) உங்கள் மூலமாக தனது மூச்சை செலுத்தி, அனைத்து படைப்பும் மகிழும்படியான மனதை ஆட்கொள்ளும் சங்கீதத்தை உருவாக்கி விடுவான். நேராக இருந்து, உங்களுக்கு என்று ஒரு தனி விருப்பு இன்றி, உங்களது விருப்பங்களை இறைவனது விருப்பத்தோடு ஒன்றரக் கலந்து விடுங்கள். இறைவனது மூச்சையே சுவாசியுங்கள். நீங்கள் அனைவரும் சாதிக்க வேண்டிய குறிக்கோளாகிய தெய்வீக வாழ்க்கை அதுவே.