ஒவ்வொரு ஜீவராசியின் வாழ்க்கையையும், அது எவ்வளவு சாதாரணமானதானாலும், சிக்கலானதானாலும், இறைவனே அதனை ஊக்குவித்து, உயிரூட்டமளித்து, நடத்தி, பூரணமடையச் செய்கிறான் ! அணுவிலிருந்து அண்டம் வரை ஒவ்வொரு ஜீவராசியும் ஆனந்தக் கடலுடன் ஸங்கமம் அடைவதற்காக வேகமாக ஓடிக் கொண்டே இருக்கின்றன. நீங்கள் ஒவ்வொருவரும் சச்சிதானந்த ஸ்வரூபர்கள் என்பதை ஒருபோதும் மறந்து விடாதீர்கள் - இதை நீங்கள் அறியாது, இந்த ரூபம் மற்றும் அதன் வரையரைகளுக்குள் கட்டுண்டு இருப்பதாக நீங்களே கற்பனை செய்து கொள்கிறீர்கள். உங்களது தெய்வீக வாழ்க்கையைத் தொடங்குவதற்கு,இந்தக் கட்டுக் கதையை உடைத்து எறிய வேண்டும். தெய்வீக வாழ்க்கை என்பது சத்யம், ப்ரேமை மற்றும் அஹிம்சையைக் கடைப்பிடிப்பதே ஆகும். அனைத்தும் ஒரே பரப்பிரம்மத்தின் அங்கங்கள் என்பதால், ஒருவரைப் போலவே அனைவரும் பயமோ,பொய்மையோ இன்றி நேசிக்கப் பட வேண்டும். அனைவரும் ஒன்றே எனும் போது,அதே தெய்வீகத்தின் அங்கமான மற்றவரை நாம் ஏன் துன்பப்படுத்த வேண்டும் ?