ஒவ்வொருவரும் இந்த உலகை விட்டு ஒரு நாள் சென்றே ஆக வேண்டும்- அந்தத் தருணம் வேதனையானதாக இருக்கக் கூடாது: ஒருவர் புன்முறுவலுடனும், வணக்கத்துடனும் செல்ல வேண்டும். இதைப் பெறுவதற்கு மிகுந்த தயாரிப்புகள் தேவை. வாழ்நாள் முழுவதும் சாதித்தவை மற்றும் சேர்த்து வைத்தவற்றை விட்டு விட்டுப் போவது என்பது கடினமான காரியமே. எனவே, ஒன்றன் பின் ஒன்றாக பற்றுதல்களை விடுத்து, இப்போதிலிருந்து தயாராகுங்கள். நீங்கள் கனவுகளில் பலவற்றைக் காண்கிறீர்கள் மேலும் அவற்றில் நீங்கள் அதிகார அந்தஸ்துகளைக் கூடப் பெற்றிருக்கலாம்.விழித்துக் கொண்ட பிறகு, அவை அனைத்தும் கனவின் போது நிஜமாகவே தோன்றியிருந்தாலும்,உங்களுக்கு மகிழ்ச்சி மற்றும் திருப்தியை அளித்திருந்தாலும், அவற்றின் இழப்பிற்காக நீங்கள் அழுது புலம்புவதில்லை. நீங்கள் உங்களுக்கே, '' இவை எல்லாம் கனவே '' எனக் கூறிக் கொண்டு, வாழத் தொடங்குகிறீர்கள். விழிப்பு நிலையில் நீங்கள் பெற்றுள்ள அனைத்தையும் இதே போன்ற உதாசீனமான மனப்பாங்குடன் ஏற்றுக் கொள்வதற்குத் தடை எதற்கு ? இந்த மனப்பாங்கை வளர்த்துக் கொண்டு, (வாழ்க்கை எனும் அரங்கத்தின் ) திரை மூடும்போது, புன்னகையுடன், விட்டுச் செல்லுங்கள்.