விமர்சகர்களின் வெறுப்பு மனப்பாங்கினால் மனம் தளராதீர்கள் -அது உங்களுக்கு மேலும் ஊக்கமளிப்பதாகவே இருக்க வேண்டும்.உங்களுள் பதிந்து மறைந்துள்ள குறைகளை ஆராய்ந்து , மனதார அவற்றைக் களைய முற்படுங்கள். நற் குணங்களான தர்மம், சேவை,பரிவு,சமத்துவம், மதச்சார்பின்மை ஆகியவற்றின் சிறப்புக்களைப் பற்றி மேடைப் பிரசங்கம் செய்வதோடு நின்று விடாதீர்கள்.மேடையிலிருந்து இறங்கி வந்து, குறைந்த அளவு அந்த நற்கோட்பாடுகளில் சிலவற்றையாவது நடை முறையில் கடைப் பிடியுங்கள். உங்களது அக்கம் பக்கத்தினர் கொடிய நோயால் வாடும் போது, நீங்கள் மகிழ்ச்சியாக ,நோயின்றி இருக்கிறோம் என்ற எண்ணத்தால் திருப்தி அடையாதீர்கள். ஒரே ஒருவர் துன்பப்பட்டோ அல்லது கட்டுண்டு இருந்தாலும் கூட, நீங்கள் துயரின்றி இருப்பதாக அர்த்தமில்லை. எந்த ஒரு ஜீவ ராசிக்கும் நீங்கள் அளிக்கும் உணவு அந்த பரப்பிரம்மத்தையே சென்று அடைகிறது என்பதையும்,இந்த உலகில் எங்கும்,எவருக்கும் நீங்கள் ஆற்றும் சேவை இறைவனை மகிழ்வடையச் செய்கிறது என்பதையும் நினைவில் கொள்ளுங்கள்.