இறைவன் மீது நம்பிக்கை குறையாமல் பார்த்துக் கொள்ளுங்கள். நீங்கள் பின்னர் இந்த உலகில் கவலை இன்றி சஞ்சரிக்கலாம் மேலும் உங்களுக்கு எந்தத் தீங்கும் வராது. எப்போது ஒருவர் உலகின் மீது நம்பிக்கை கொண்டு, வழி தவறி, தத்தளிக்கிறாரோ,அப்பொழுது அவதாரங்கள், எச்சரித்து வழி காட்டுவதற்காகத் தோன்றுகின்றன. உங்களது மனோபாவம், ஒன்றன் மீது ஒன்றாகப் பானைகளை தங்கள் தலை மீது அடுக்கி ஏற்றி வைத்துக் கொண்டு, வளைந்து செல்லும் பாதையில் நடந்து கொண்டு,பேசிக் கொண்டு செல்லும் போதும் கூட, அவை விழுந்து விடாமல் எடுத்துச் செல்லும் கிராமப் பெண்களைப் போன்று இருக்க வேண்டும்.அவர்கள் தங்களது சுமையையோ, தங்களது குறிக்கோள் அல்லது சேர வேண்டிய இடத்தையோ மறப்பதோ அல்லது தவிர்ப்பதோ இல்லை. அவர்கள் எப்போதும் கவனத்துடனும், வழியில் இருக்கும் கற்கள் மற்றும் குழிகள் போன்ற இடர்களை அறிந்தவர்களாகவும் இருக்கிறார்கள். ஆத்மார்த்தமான மனக்குவிப்பே உங்களுக்கு அதிக லாபங்களைத் தரும் !