காலில் அடிபட்டுத் தவித்துக் கொண்டு இருந்த சிங்கத்தின் கதையைக் நீங்கள் கேள்விப் பட்டதில்லையா ? ஒரு அடிமை, காட்டில் தப்பித்து ஓடிக் கொண்டு இருக்கும் போது அதைக் கண்டான்; அதைப் பரிவுடன் அவன் அணுகிய போது, அது தனது பாதத்தை நீட்டிக் காண்டிபித்தது. அவன் அதற்கு அவ்வளவு வலியைக் கொடுத்துக் கொண்டு இருந்த முள்ளை மெதுவாகப் பிடுங்கி எடுத்து விட்டு அங்கிருந்து சென்றான்; ஆனால் பின்னர் அவன் சிறை பிடிக்கப் பட்டு ரோம் நகருக்கு இட்டுச் செல்லப் பட்டான்.அங்கு அவர்கள், அவனை ஒரு திறந்த அரங்கத்தில் தூக்கி எறிந்து அவன் மீது சமீபத்தில் பிடிக்கப் பட்ட ஒரு சிங்கத்தை ஏவி விட முடிவு செய்தனர்.ஆனால் அது அந்த அடிமை காப்பாற்றிய அதே சிங்கம் தான்; எனவே தன்னைக் காப்பாற்றியவனுக்குத் தீங்கு இழைக்க அதன் நன்றி உணர்வு இடம் கொடுக்கவில்லை. பாருங்கள், மிருகங்கள் கூட நன்றி உணர்வை வெளிப்படுத்துகின்றன; செல்லப் பிராணிகள் மட்டுமல்ல, சிங்கத்தைப் போன்ற கொடிய விலங்குகள் கூட.உங்கள் மீது அமரத்துவம் அளிக்க வல்ல அமுதத்தைப் பொழிந்துள்ள, அந்தப் படைத்தவனுக்கு, உங்கள் நன்றி உணர்வை வெளிப்படுத்துங்கள். உங்களுக்கு பகுத்தறிவு, பற்றின்மை மற்றும் மதிப்பீடு செய்யும் திறன்களை அளித்த இறைவனிடம் நன்றியுடன் இருங்கள்.