இப்போதெல்லாம்,பக்தி,வழிபாடு மற்றும் சடங்குகளைக் கடைப்பிடிப்பது, தனிப்பட்ட மனிதர்கள் தங்களுக்கு அதிக சௌகரியங்கள் மற்றும் சுகங்களைப் பெற வேண்டும் என்பதற்காகவே செய்யப் படுகின்றன. பக்தி என்பது ஒரு வியாபார ஒப்பந்தமாக வீழ்ச்சி அடைந்து விட்டது. பெரும்பாலும், ஒருவர், '' தயவு செய்து எனக்கு இதைத் தா, நான் உனக்கு இவ்வளவு தருகிறேன்'' என்றே பிரார்த்திக்கிறார். அவர்கள், ஒரு புனிதத் தலம் அதிகம் அளிப்பதாக உத்திரவாதம் அளித்தால், இப்போது வழிபடும் புனிதத் தலத்தைக் கைவிட்டு விட வேண்டும் என எண்ணுகிறார்கள்.அந்தப் புனிதத் தலத்திலும், உடனடியாக ஒருவருக்கு பலன்கள் கிடைக்கவில்லை என்றால்,பின், அவர்கள்,விரைவாக வேறு இடத்தையோ அல்லது அதிக லாபம் அளிக்கும் மற்றொரு கடவுளையோ நாட முயல்கிறார்கள் ! பல மனிதர்கள் இவ்வாறு தான் அலைந்து திரிகிறார்கள்.சிலர், ''பலருடன் நான் சேர்ந்து நின்றால் கடவுள் என்னைக் கவனிக்க மாட்டார்.நான் ஒரு பிரத்யேகமான இடத்தில் நின்று கொண்டு, அவனது கவனத்தை ஈர்க்க உரக்கக் கத்த வேண்டும்'' என்று கூட எண்ணுகிறார்கள். இவ்வளவு முட்டாளதனமாக நடந்து கொள்ளாதீர்கள் ! உயர்ந்த கோட்பாடுகளை உறுதியாகப் பற்றிக் கொள்ளுங்கள்.இறைவனை உங்களது குறுகிய கண்ணோட்டத்திற்குத் தாழ்த்தி விடாதீர்கள்.மேல் எழுந்து,உங்களது பற்றின்மையை பலப்படுத்திக் கொண்டு ,பகுத்தறிவில் நிலை கொள்ளுங்கள்; பின்னர், உங்களது குறிக்கோள் மிக அருகில் கொண்டு வரப் படும்.