வைராக்யம் என்பது இறைவனது அருளால் கிடைக்கிறது;அதற்கு வருடக்கணக்கான தாபமும்,போராட்டமும் தேவைப்படுகிறது. இதற்கிடையில்,உங்கள் மனதைத் தூய்மைப் படுத்தி, நற்குணங்களை வளர்த்துக் கொள்வதற்கான முதல் படியிலிருந்து இன்று தொடங்குங்கள். உங்களால் இந்த முதல் படியைத் துவங்கவோ அல்லது இவற்றைப் பின்பற்ற இயலவோ முடியாவிட்டாலும், அவ்வாறு செய்பவர்களை இகழவோ அல்லது அவர்களது ஊக்கத்தைக் குலைக்கவோ செய்யாதீர்கள். உங்களது வேலையைச் செய்வதற்காக பிறரை எதிர்பார்க்காதீர்கள் அல்லது உங்களது தேவைகளை யாராவது ஒருவர் கவனிக்குமாறு செய்யாதீர்கள். அவற்றை நீங்களே செய்யுங்கள் - அதுவே உண்மையில் தற்சாற்புடனும்,சுதந்திரமாகவும் இருப்பதற்கான அறிகுறியாகும் ! ஒருபோதும் எவரிடமிருந்தும், எதையும் இலவசமாகப் பெற்றுக் கொள்ளாதீர்கள். நீங்கள் அதை உழைப்பாகவோ அல்லது வேலையாகவோ கட்டாயம் திருப்பித் தந்தே ஆக வேண்டும். இவ்வாறு, நீங்கள் உங்களை சுயமரியாதை உள்ள மனிதர்களாக ஆக்கிக் கொள்வீர்கள். சகாயத்தைப் பெற்றுக் கொள்வது என்பது, அதைத் தருபவருக்கு உங்களைக் கட்டுப் பட்டு விடச் செய்யும்.சுயமரியாதையிலும்,கண்ணியத்திலும் வளர்ச்சி அடையுங்கள். அதுவே, நீங்கள் உங்களுக்கே செய்து கொள்ளக் கூடிய மிகச் சிறந்த சேவையாகும்.