நீங்கள் அனைவருமே ஸம்ஸாரம் ( பிறப்பு ,இறப்பு கொண்ட ) என்ற உலகில் சிறைத் தண்டனை விதிக்கப் பட்டவர்களே.கைதியை ஒரு இடத்திலிருந்து மற்றொரு இடத்திற்கு இட்டுச் செல்லும் போது, அவருடன் இரண்டு காவலர்கள் செல்வார்கள். அதைப் போலவே, நீங்களும் ஒரு சிறையிலிருந்து ( உடல்), மற்றொன்றிற்குச் செல்லும் போது, அஹங்காரம் ( நான் ), மமகாரம் ( எனது ) என்ற இரண்டு காவலர்கள் உங்களுடன் கூடவே வருகிறார்கள். சிறையில் உங்களுக்கு இடப்பட்ட வேலையை, நீங்கள் செய்தே ஆக வேண்டும் மேலும் அதை செவ்வனே செய்யவும் வேண்டும். சலுகைகள் நியாயமாகப் பரிந்தளிக்கப் படவில்லை என்று நீங்கள் வாதிக்க முடியாது மேலும் உங்களுக்குக் கொடுக்கப் பட்ட வேலையைச் செய்ய மறுக்கவும் முடியாது. அப்படிச் செய்தால், உங்களது தண்டனை நீட்டிக்கப் படும் அல்லது நீங்கள் வேறு ஒரு சிறைக்கு மாற்றப் பட்டு விடுவீர்கள். அதே சமயம், உங்களுக்கு விதிக்கப் பட்ட தண்டனையை அமைதியாக ஏற்றுக் கொண்டு, எந்த புலம்பலும், இரைச்சலும் இல்லாமல்,உங்கள் வேலையைச் செய்து கொண்டு இருந்தால், உங்கள் தண்டனை காலம் குறைக்கப் பட்டு, நீங்கள் விடுதலை கூட செய்யப் படலாம் ! உங்கள் தண்டனையைப் புரிந்து கொண்டு, நல்ல மனப்பாங்கைக் கடைப் பிடித்து, உங்களுக்கு விடுதலை கிடைப்பதற்கான முறைகளில் மனதாற ஈடுபடுங்கள் !