ஒரு முறை ஒருவர், பிரபல ஆங்கில சிந்தனையாளர் டாக்டர் ஜான்ஸன் அவர்களிடம், காலையிலிருந்து இரவு வரை, ஏன் இரவிலும் கூட, தான் ஆற்ற வேண்டிய நூற்றுக் கணக்கான வேலைகளுக்கு நடுவில், இறை நாமத்தை உச்சரிப்பதற்கான நேரம் கிடைப்பது அவருக்கு அரிதாக இருக்கிறது என்று கூறினாராம். அதற்கு, டாக்டர் ஜான்ஸன் மற்றொரு கேள்வி மூலம் பதிலளித்தாராம். மூன்றில் இரண்டு பங்கு நீரால் சூழப்பட்டும், எஞ்சிய பகுதி மலைகள்,பாலைவனங்கள்,காடுகள்,பனிப் பாறைகள்,ஆற்றுப் படுகைகள்,சதுப்பு நிலங்கள் மற்றும் இதைப் போன்ற கடினமான பரப்புகளைக் கொண்டிருந்தாலும், எப்படி கோடிக் கணக்கான மனிதர்கள், இந்த உலகில் தாங்கள் வசிப்பதற்கான இடத்தை தேடிக் கொள்ளுகிறார்கள் என வினவினார். அதற்கு அந்த மனிதர், மனிதன் எப்படியோ பாடுபட்டு தான் வசிப்பதற்கான இடத்தைத் தேடிக் கொள்கிறான் என்று பதிலளித்தார். டாக்டர் ஜான்ஸன், அதைப் போலவே மனிதனும், ஒவ்வொரு நாளும் சில நிமிடங்களை இறைவனைப் பிரார்த்திப்பதற்காக ஒதுக்க வேண்டும் என்று கூறினாராம்.உங்களுக்குப் பிடித்த இறை நாமத்தையும் , ரூபத்தையும் எப்போதும் உங்கள் மனதில் நிலை கொள்ளச் செய்யுங்கள்.அந்த நாமம் உங்களது மூச்சினைப் போல தொடர்ந்து இருக்க வேண்டும். இதற்கு பயிற்சி மிகவும் அவசியம்.