நீங்கள் இறைவனிடமிருந்து எவ்வளவு தொலைவில் இருக்கிறீர்கள் என்று எண்ணுகிறீர்களோ, அவ்வளவு தொலைவில் இருக்கிறீர்கள்;எவ்வளவு அருகாமையில் இருக்கிறீர்கள் என்று எண்ணுகிறீர்களோ அவ்வளவு அருகாமையில் இருக்கிறீர்கள். என்னிடமிருந்து நீங்கள் தள்ளி இருக்கும் தூரம் தான், உங்களிடமிருந்து நான் தள்ளி இருக்கும் தூரமும். இல்லையா? நீங்கள் என்னை நெருங்கி, நெருங்கி வந்து கொண்டிருந்த போதும்,நான் உங்களிடமிருந்து தொலைவில் இருக்கிறேன் என்று நீங்கள் புகார் செய்கிறீர்கள். அது எப்படி முடியும் ? நீங்கள் எனக்கு எவ்வளவு அருகாமையில் இருக்கிறீர்களோ, நானும் உங்களுக்கு அவ்வளவு அருகாமையில் இருக்கிறேன். இறைவனது அருகாமையை பக்தியினால் தான் வெல்ல முடியும்; '' நான்'', '' எனது '' என்ற உணர்வுகளை நீக்கும் வரை, அந்த பக்தி நிலையானதாக இருக்காது. இன்ப ,துன்பங்களை கடும் உழைப்பு மற்றும் சமநிலையை போதிக்கும் ஆசிரியர்களாகக் கருதுங்கள். இன்பத்தை விட, துன்பம் நட்புணர்வுடைய நினைவூட்டி,நல்ல வேலைவாங்குபவர், சிறந்த ஆசிரியர்.இறைவன் பாதுகாப்பையும்,தண்டனையையும் அளிப்பவன்- ஏனெனில்,கண்டிப்பான கணக்கீட்டையும், கண்டிப்பான கீழ்ப்படிதலையும் வலியுறுத்தவில்லை என்றால், அவன் எப்படி இறைவனாக இருக்க முடியும்?