தெய்வீக ஆனந்தமே உங்களது மிகப் பெரிய தேவை என்று நான் சொன்னால், நீங்கள் அனைவரும் சந்தேகத்திற்கு இடமின்றி ஒத்துக் கொள்வீர்கள்.ஆனால் நீங்கள் அதை எந்த இடத்திலிருந்தும் விலைக்கு வாங்க முடியாது! நற்செயல்களை ஆற்றியும், நல்லோருடன் பழகியும், தீயவற்றிலிருந்து விலகி இருந்தும், மனதை இறைவனது மாட்சிமையில் திளைத்திருக்கச் செய்தும், பாடுபட்டு அதை ஈட்ட வேண்டும்.நல்லவற்றையும் தீயவற்றையும் ஒரே இடத்தில் வைத்திருக்க இயலாது.சூரியன் ஒரு முறை தனக்கு என்று ஒரு எதிரியும் இனி இல்லை எனக் கூறிய போது,யாரோ அவரிடம் கூறினாராம்- இன்னும் '' இருள்'' என்று ஒருவர் இருக்கிறாரே என்று. பின்னர் அவர் தனது கிரணங்களை அந்த எதிரியைப் பிடிக்க, தனது தூதர்களாக அனுப்பினாராம். ஆனால், அவர்கள் எங்கு சென்றாலும் ஒளியை மட்டுமே காண முடிந்ததே தவிர ஒரு இடத்திலும் இருளைக் காண முடியவில்லை. அவர்கள் திரும்பி வந்து, '' இருள் '' என்று ஒன்று உலகில் எதுவுமே இல்லை என அறிவித்தார்களாம். அதைப் போலவே, தீவிரமாக ஆன்மீக சாதனைகளைச் செய்வதன் மூலம், உங்களுள் உள்ள தீயவற்றின் மீது நல்லவை வெற்றி பெறச் செய்ய வேண்டும்.