நான் '' மானஸ பஜரே குரு சரணம்'' என்ற பஜனையை முதலில் பாடியபோது. முடிவற்ற பிறப்பு ,இறப்பு என்ற சூழலில் சிக்கித் தவிப்பவரை, தன்னையே அறிவித்து, தன்னிடம் சரண் புகுந்தவர்களின் சுமையை தானே ஏற்றுக் கொள்ள, மறுபடியும் வந்திருக்கும், குருவின் பாத கமலங்களை வழிபடுமாறு அறிவுறுத்தினேன். அதுவே மனித குலத்திற்கு நான் அளித்த முதல் அறிவுரையாகும் ! '' உங்கள் மனதில் வழிபடுங்கள்'' என நான் கூறினேன். நீங்கள் சிறிய விலையில் வாங்கும் பூக்களும், பழங்களும் எனக்குத் தேவை இல்லை. அவை உண்மையில் உங்களுடையவை அல்ல. தூய்மையான,நற்குணங்கள் மற்றும் எளிமையின் நறுமணம் கொண்ட, பச்சாதாபத்தின் கண்ணீரால் கழுவப்பட்ட, உங்களுக்கே சொந்தமான ஒன்றை எனக்குத் தாருங்கள்.மாலைகள்,பழங்கள் போன்றவை, உங்களது பக்தியை மிகைப் படுத்திக் காட்டும் கண்காட்சிகள்.சிலரால் அது முடியும், ஏழைகள் தங்களால் முடியவில்லையே என வருந்துவார்கள். இறைவனை உங்கள் இதயத்தில் கொலு வீற்றிருக்கச் செய்து அவனுக்கு உங்களது செயல்களின் பலன்களையும், உங்களது அடிமனத்தின் எண்ணங்களையும்,உணர்வுகளையும் சமர்ப்பியுங்கள். அந்த வழிபாடு மற்றும் பக்தியின் வெளிப்பாடே, இறைவன் மிகவும் விரும்பும் ஒன்றாகும்.!