கோவில்களிலும்,பக்தர்கள் கூட்டங்களிலும், நீங்கள் காக்கும் அமைதியை, நீங்கள் எங்கு சென்றாலும் எடுத்துச் செல்ல வேண்டும். புலன்களைக் கட்டுப் படுத்தும் ஒரு பயிற்சியாக அதை எடுத்துக் கொள்ள வேண்டும்.புலன்கள் எப்போதும் வெளி உலக நோக்கு கொண்டவை.நாவு தீயதைப் பேசுதல் கூடாது. கண்கள் தீயதைக் காணக் கூடாது.செவிகள் தீயதை நாடக் கூடாது. ஒவ்வொரு ஜீவராசியிலும் உறையும் இறைவன், ஒவ்வொருவரையும் புனிதமாக்குகிறான். பிறரை மட்டமாக எண்ணுவது,இறைவனையே மட்டமாக எண்ணுவதற்கு ஒப்பானதாகும்.இறைவனே அனைவரின் தந்தை, உங்களைச் சுற்றி உள்ள அனைவரும் சகோதர,சகோதரிகள் என்ற உணர்வை நீங்கள் எப்போதும் வளர்த்துக் கொள்ள வேண்டும்.இரத்த சம்பந்தமான சகோதரத்துவத்தை விட இந்த சகோதரத்துவம் அதிக உண்மையானதும், நெருக்கமானதும் ஆகும்; ஏனெனில், இங்கு தான் எந்தப் பரம்பரைச் சொத்திற்காக, நீங்கள் போராடுகிறீர்களோ, அதில் பிறரது பங்கு எந்த விதத்திலும் குறைந்து விடாமல், பகிர்ந்து கொள்ள இயலும். '' பூர்ணஸ்ய பூர்ணமாதாய, பூர்ணமேவாவஷிஸ்தயதே ''-பூர்ணத்திலிருந்து, பூர்ணத்தையே நீக்கினாலும், அதுவும் பரிபூரணமே !