உங்களது தெய்வீகத் தன்மையை அறியாது, நீங்கள் கீழ்த்தரமானவரது நட்பில் திளைத்து, உங்களை இழிவிற்கு இட்டுச் செல்லும் உணர்ச்சிகளின் அடிமையாகி, உழன்று திரிகிறீர்கள். உங்கள் உண்மை நிலையான அரச குமாரனாகத் திகழுங்கள் ! ஏரியின் அடியில் இருக்கும் சகதியிலிருந்து பிறந்திருந்தாலும், தாமரையானது, தனது மனவலிமையினால், சூரியனைக் கண்டு அதன் கிரணங்களால், உத்வேகம் பெறுவதற்காக நீரிலிருந்து மேலெழுகிறது. அதிலேயே பிறந்து வளர்ந்திருந்தாலும், தாமரை, தண்ணீருடன் தனக்கு உள்ள சம்பந்தத்தை ஒதுக்கி வைக்கிறது. அதைப் போலவே, நீங்களும் புலன் உணர்ச்சிகளுடன் பற்றுதல் வைப்பதைத் தவிர்க்க வேண்டும் ! எவ்வளவு காலம் தான் நீங்கள் சிறிய பாத்திரமான விதூஷகனாக இருப்பதில் திருப்தியோடு இருக்கப் போகிறீர்கள் ? உங்களுக்கு என்று ஒரு இலட்சியம் கிடையாதா? நீங்களே போட்டுக் கொண்டுள்ள முகமூடியால், உங்களது உண்மையான திறன்களை, ஏன் மூச்சுத் திணற அடிக்க வேண்டும்? உங்களது பூஜ்யமான நிலையை விட்டு விட்டு, வீரனாக உருவெடுத்துப் பிரகாசியுங்கள் ! அது உங்களது பிறப்புரிமை !