ஒவ்வொருவரும், அவர் தற்போது முயற்சி செய்கிறாரோ இல்லையோ, மோக்ஷம் அடைந்தே தீர வேண்டும். அனைவரும் நோக்கிச் செல்லும் இலக்கு, அனைவரது போராட்டத்தின் தவிர்க்க இயலாத முடிவு அதுதான். ஆனால், மோக்ஷம் எனும் இலட்சியத்தை அடைவதைப் பற்றி தயவு செய்து பயம் கொள்ள வேண்டாம். சரி, அந்த நிலைக்காக, உங்களை எப்படித் தயார் படுத்திக் கொள்வது? இதற்கான விடை ''மோக்ஷம்'' என்ற அந்த வார்த்தையிலேயே இருக்கிறது. அதுவே தன்னிலை விளக்கம் தருகிறது. '' மோ'' என்றால் '' மோஹம் '', அதாவது, மாயை அல்லது நிலையற்ற வீணாணவற்றால் கவரப்படுவது; ''க்ஷா'' என்றால் '' க்ஷயா '' அதாவது மறைவது அல்லது குறைவது எனப் பொருள். அதாவது, மோக்ஷம் அடைவதற்கு, ஒருவர், மயக்குகின்ற கவர்ச்சிகளை நோக்கி பறந்து செல்லும் உங்களை மனதை, அவற்றிலிருந்து விலக்கி வைத்து, மோக்ஷத்தை நோக்கிய நேர்பாதையில் செலுத்த வேண்டும்.