மண்ணிலும்,விண்ணிலும் உங்கள் கண் முன் பரந்து விரிந்துள்ள இயற்கையின் வளம் மற்றும் எழில் -பயிர்களின் பரந்த பசுமை,திருப்தியையும், ஆனந்தத்தையும் மிதந்து வந்தளிக்கும் குளுமையான தென்றல், வண்ணமயமான மேகங்களின் பரந்து விரிந்த காட்சி, பறவைகளின் சங்கீதம் என -பலப் பலவற்றைப் பற்றிச் சிந்திப்பதில் உங்கள் நேரத்தைச் செலவிடுங்கள் . வயல் வெளிகளின் பாதைகளிலும், நதிக்கரை ஓரங்களிலும் நடந்து செல்லும்போது,இறைவனது மஹிமையைப் பாடிக் கொண்டே செல்லுங்கள். இந்த அனைத்து அன்பின் அடையாளச் சின்னங்களுக்கு நடுவில், வெறுப்புடன் பேசாதீர்கள்; இந்த அமைதியான சூழ்நிலையில் கோபம் கொள்ளாதீர்கள்;உங்களது சத்தம் மற்றும் சாபங்களால் ஆகாயத்தை குழப்பி விடாதீர்கள். வஞ்சகமான தற்பெருமைகளால், காற்றை மாசுபடுத்தாதீர்கள். ஒரு நாற்று வளர்ந்து வளமான அறுவடை தருவதற்கு, தண்ணீரும் உரமும் தேவை. மோக்ஷம் பெற வேண்டும் என்ற ஆன்மீக தாபம் எனும், சிறு செடி வளருவதற்கும், நீங்கள் உங்களது பழக்கங்களைச் சரிசெய்து, ஒழுக்கங்களை சீரமைத்து , நடத்தையை தூய்மைப் படுத்த வேண்டும்.