இன்று நீங்கள் மிருதங்கத்திற்குள் சிக்கிக் கொண்ட எலி போல இருக்கிறீர்கள். அதை வாசிப்பவர், வலது பக்கம் தட்டும் போது,எலி இடது பக்கம் ஓடுகிறது; இடது பக்கம் தட்டும் போது,திகில் பிடித்து,வலது பக்கம் ஓடுகிறது. அதைப் போலவே, நீங்களும் இறைவனுக்கும்,உலகத்திற்கும் இடையே ஓடிக் கொண்டு இருக்கிறீர்கள்; இறைவனைப் பற்றிக் கொண்டு இருக்கவும் தயங்குகிறீர்கள்; அதே சமயம் தற்காலிகமாக, உலகின் மறுப்புக்கள் மற்றும் ஏமாற்றங்களிலிருந்தும் பின் வாங்குகிறீர்கள். நாமஸ்மரணை உங்களை இடையறாது இறைவனுடன் இணைந்திருக்கச் செய்யும். வழி தவறி விட்ட குழந்தை, தாயைக் கண்டுபிடித்த பின் தான் மகிழ்ச்சி அடையும்;அதைப் போலவே நீங்களும் உங்களுள் இறைவனைக் கண்டு, அவனுடன் ஸங்கமமாகும் போது தான் ஆனந்தம் அடைவீர்கள். ஆவியாக மேல் எழுந்த கடல் நீரின் துளி , மேகக் கூட்டங்களில் கலந்து, பின் மழையாக நிலத்தில் விழுந்து, நதிப் படுகைகளின் வழியாக ஓடி, இறுதியில் கடலிலேயே கலக்கிறது. அதைப் போலவே, நீங்கள் தொலைத்து விட்ட அந்த மஹாஸாகரத்தைச் சென்றடையுங்கள்.