அன்போடு நேசிக்கும் இறைவன் எனும் சூரியனின் காந்திக்காக ஏங்குகிறது உங்களது இதயத் தாமரை.அவனை அடைவதற்கு முயற்சி தேவை.உலகின் பால் கொண்ட அனைத்து பற்றுதல்களையும் விடுத்து,தெய்வீக அன்பை வளர்த்துக் கொள்ளுவதால் மட்டுமே,அதைப் பெற இயலும்.இறைவனே உங்களுக்கு மிகவும் நெருங்கிய,நேசமான ஒருவன்;ஆனால்,அறியாமை அவனை உங்கள் கண்ணிலிருந்து மறைத்து விடுகிறது.விண்மீன்கள் நம்மிடமிருந்து மிக அதிகத் தொலைவில் இருப்பதால் ஒளியுள்ள சிறு புள்ளிகள் போலத் தோன்றுகின்றன.விண்மீன்களைப் போன்றே இறைவனும் முக்கியமற்ற,பலனற்றவன் போல பலருக்குத் தோன்றுகிறான்,ஏனெனில், அவர்கள் இறைவனிடமிருந்து வெகு தொலைவில் தங்களை வைத்துக் கொண்டு உள்ளனர்.சிலர் இறைவன் இல்லை அல்லது தென்படுவதில்லை எனக் கருதுகிறார்கள் என்றால்,அதற்குக் காரணம் அவர்கள் அவனிடமிருந்து அதிகத் தொலைவில் இருப்பதால் அவனை உணர இயலவில்லை என்றே பொருள். இறைவன் ஒவ்வொருவரிடமும் கொண்டுள்ள அன்பு இணையற்றது.