இன்றைய உலகில் ஆன்றோர்கள் என உயர்ந்த நிலையில் மதிக்கப் படும் அனைவரும், தங்களது நற்குணங்கள் மற்றும் நன்னடத்தையின் மூலமே , தமது நற்பெயரைப் பெற்றுள்ளார்கள். எதைச் சாதிக்க வேண்டும் என்றாலும் ஒருவருக்கு திடமான உறுதி இருக்க வேண்டும்.அனைத்து மதங்களும்,புனித நூல்களும், தேவைப் படும் நேரங்களில் சக மனிதருக்கு உதவி செய்து, அவர்களைத் துயரத்திலிருந்து காப்பாற்றுவது தலை சிறந்த நற்பண்பாகும் என ஏற்றுக் கொள்கின்றன. ஒவ்வொரு மனிதருக்கும் ஒரே மாதிரியான உரிமை இவ்வுலகில் உள்ளது,ஏனெனில் தெய்வீகம் அனைவரிடமும் இருக்கிறது. மனச் சாந்தியை அனுபவிக்க வேண்டும் என்றால்,பொறுமையும்,சமநிலையான மனப்பாங்கும் இருத்தல் அவசியம். நல்லவர், கெட்டவர், ஏழை, பணக்காரர், படித்தவர், படிக்காதவர் ஒவ்வொரு நாட்டிலும் உள்ளனர்.ஒரே குடும்பத்தில் பிறந்திருந்தாலும்,சிலர் குறுகிய மனப்பாங்குடன்,நேர்மையற்ற எண்ணங்களுடனும், சுயநலமான காரியங்களில் ஈடுபடுபவர்களாகவும் இருக்கிறார்கள்; அதே சமயம் மற்றவர்கள் சீரியவர்களாகவும் தன்னலம் அற்றவர்களாகவும் இருக்கிறார்கள். அனைத்து ஜீவ ராசிகளிடனும் நட்புணர்வுடன் இருந்து, அன்புடன் நற்செயல்கைள ஆற்றுவது அனைவரின் தலையாய கடமையாகும்.