சத்தியத்தில் வாழுங்கள், பின்னர் நீங்கள் ஆனந்தத்தை அனுபவிப்பீர்கள். இறை நம்பிக்கை அன்பை வளர்க்கிறது.அன்பு சாந்திக்கு இட்டுச் செல்கிறது. சாந்தி,சத்தியத்திற்கு வழி வகுக்கிறது.நம்பிக்கை இருக்கும் இடத்தில் அன்பு இருக்கும்,அன்பு இருக்கும் இடத்தில் சாந்தி இருக்கும்,சாந்தி இருக்கும் இடத்தில் சத்தியம் இருக்கும்,சத்தியம் இருக்கும் இடத்தில் ஆனந்தம் இருக்கும்,ஆனந்தம் இருக்கும் இடத்தில் இறைவன் இருக்கிறான். அதிலிருந்து பெறப்படும் சந்தோஷத்திற்காக,இறைவன் பல உருவங்களில் பரிமளித்துப் போற்றப் படுகிறான். நாடு அல்லது மதம் என வேறுபாடின்றி சத்தியம் ஒன்று தான். மனிதர்களின் நாம, ரூபங்களின் வேறுபடலாம், ஆனால் உயர்ந்த சச்சிதானந்தம் மாறுவதில்லை.அது நிலையானது,மாறாதது.தெய்வீக அன்பின் வடிவங்களே! மனிதனிக்கும் ,மனிதனுக்கும் இடையில் உள்ள சுவர்களைத் தகர்ப்பது அன்பு. ஜாதி,இனங்களின் அடிப்படையிலான வேற்றுமைகளைக் களைந்து விடுங்கள்.மனித குலத்தின் ஒருமையின் மீது திடமான நம்பிக்கையை வளர்த்துக் கொள்ளுங்கள்.உங்கள் இதயங்களில், அன்பை வளர்த்துக் கொள்ளுங்கள். பின்னர் அனைத்து நாடுகளும், வளமுடனும், மகிழ்ச்சியுடனும் இருக்கும்.