ஒரு பச்சைப் புடலங்காய் தண்ணீரில் மூழ்கி விடுகிறது,ஆனால் உலர்ந்த ஒன்றோ மிதக்கிறது.உங்களது பற்றுதல்கள்,ஆசைகள் ஆகியவற்றை விடுத்து, கலக்கங்களையும்,கவலைகளையும் தவிர்த்து,உலர்ந்தவராக ஆகி விடுங்கள். பின்னர் மாற்றங்களும் ,சந்தர்ப்பங்களும் கொண்ட நீரில் பாதிக்கப் படாது, நீங்கள் மிதக்க முடியும். தண்ணீர் கூட நீராவியாக மாறும் போது உயர ஆகாயத்தில் எழுகிறது. உங்களைக் கீழ்நோக்கி இழுத்துச் செல்லும் ஆசைகளிலிருந்து விடுதலை பெறுங்கள்; சத்தியத்தை நேருக்கு நேர் காண வேண்டும் என்ற தாபத்தை மட்டும் கொண்டிருங்கள்.சத்தியம் உங்களுள் ஒளி விட்டுப் பிரகாசித்துக் கொண்டிருக்கிறது ;நீங்கள் கண்டு பிடிக்க வேணடும் எனக் காத்துக் கொண்டு இருக்கிறது. இறைவன் உங்களுள் உறைபவன்; எனவே நீங்கள் வெளியில் தேடினால்,அவனைப் பிடிக்க இயலாது.அவனை உங்களுள் தேடுங்கள்.வேறு எந்த எண்ணமும் இன்றி அவனை நேசியுங்கள்; அவனில்லை எனில் எதுவும் மதிப்பற்றது என்பதை உணருங்கள்.அவனே அனைத்தும் என்ற உணர்வைக் கொண்டிருங்கள். பின்னர் நீங்கள் அவனுடையவராகவும்,அவன் உங்களுடையவராகவும் ஆகி விடுவீர்கள்.அதை விட நெருங்கிய உறவு எதுவும் இல்லை.